Демалыста кітап оқимыз! «Кітапханаға саяхат»

           Демалыста кітап оқимыз! «Кітапханаға саяхат» каникул уақытын тиімді әрі қызықты өткізу мақсатында 2 сынып оқушыларымен кітапханаға саяхат ұйымдастырылды. Шара барысында балалар кітап әлеміне еніп, түрлі қызықты ертегілермен танысты. Кітапханашы ертегілер туралы қызықты мәліметтер айтып, балалардың сұрақтарына жауап берді.
           Іс-шараның ерекше бөлігі – ертегі кейіпкерлерінің киімін киген балалардың қойылымы болды. Олар «Шалқан», «Бауырсақ», «Қызыл телпек» сияқты ертегілерден үзінділер көрсетіп, өз өнерлерін ортаға салды. Бұл көріністер балалардың сахналық қабілеттерін дамытып, шығармашылыққа баулыды.
           Кітапхана ішінде арнайы безендірілген бұрышы ұйымдастырылып, балалар кітаппен еркін танысып, суреттерді тамашалады. Шара соңында белсенді оқушыларға алғыс білдіріліп, шағын сыйлықтар табысталды.
           Мұндай танымдық шаралар – баланың кітапқа деген сүйіспеншілігін арттырып, кітапханаға қызығушылығын оятады.