Кітап және Интернет» тақырыбында дөңгелек үстел
Мектеп кітапханашылары мен ДӘІЖО Г.Сармашеваның ұйымдастыруымен 6-сынып оқушылары арасында «Кітап және Интернет» тақырыбында дөңгелек үстел өткізілді.
Мақсаты: «Болашаққа бағдар: рухани жаңғыру» бағдарламасы негізінде кітап оқуға насихаттау; рухани және мәдени құндылықтарды дамыту; кітап оқуға деген қызығушылығын арттыру; оқушының білімдік танымын өмірмен байланыстыра отырып арттыру; Бүкіләлемдік өрмек – интернетке байланысты оқушылардың білімдерін нығайту, тиянақтау.
Мектеп кітапханашысы А.Аруынова оқушыларға кітаптың маңызы туралы айтып, оларға алуан түрлі ой тастай отырып, пікірлесуге шақырды.
«Кітапты қайтесің, барлығы да ғаламторда тұрған жоқ па? Қазір кітаптың емес, компьютердің заманы» дейтін пікірлер белең алып тұрғанын еске сала отырып, кітап жастанып, ұйқыға мүлгіген жандар немесе технологиялық мүмкіндіктерге бойұсынған оқырман жайлы сөз қозғады.
«Кітаптың орнын интернет алмастыра ала ма? деген сауалға жауап іздеді.
Оқушылар өздерінің ойларымен бөлісіп, кеш соңында кітап туралы мақал-мәтелдер жасырып, ойларын сергітті.